CAS merr vendimin për merkaton e Chelsea-t, “buzëqesh” Lampard

Trajneri i Chelsea-t Frank Lampard mund të nënshkruajë me futbollistë të rinj që në muajin e ardhshëm, pasi Gjykata e Arbitrazhit Sportiv i ka hequr dënimin e FIFA-s, i cili ishte në fuqi që nga shkurti i këtij vitit.

Apelimi i klubit londinez ka shkuar më së miri, teksa ishte parashikuar më parë ndalesa në dy sensione merkatoje, duke bërë që skuadra angleze të mos bënte asnjë blerje në verë dhe rrezikonte edhe këtë janar.

CAS vendosi që dënimi të ishte vetëm për një sension, duke bërë që tashmë Chelsea të ketë të drejtën për të blerë sërish futbollistë. Dënimi i mëparshëm erdhi për shkak të thyerjes së artikullit 19 për shkeljen e rregullave të transferimit të lojtarëve të mitur. /R.Lika-Koha Jone/