Çelsi bën një tjetër hap fals, Champions-i 10 pikë larg (VIDEO)

Çelsi nuk di të ngrejë krye në Premier League. Skuadra e Antonio Kontes është ndalur sërish në shtëpi, teksa këtë herë ka barazuar 1-1 ndaj Uest Hemit.

Blutë e Londrës kaluan të parët në avantazh me Azpilikuetën pas një rrëmuje në zonë, por Uest Hem u kundërpërgjigj në pjesën e dytë. Në minutën e 73-të, një vrasës në zonë si Çiçarito Hernandez vendosi heshtjen në “Stamford Bridge” duke i dhënë goditjen përfundimtare shpresave të Çelsit për të luftuar për vendin e katërt. Totenhemi tashmë është 10 pikë larg, ndërkohë që ky ishte barazimi i 6-të në këtë sezon. /Koha Jonë/