City bën detyrën ndaj Evertonit, vendos Haaland me dopietë

Manchester City ka konfirmuar edhe një herë forcën e tij në Premier League, duke fituar me rezultatin 2-0 ndaj Evertonit në ndeshjen e javës së 8-të, zhvilluar në “Etihad Stadium”. Protagonist absolut i takimit ishte Erling Haaland, i cili shënoi të dy golat e “qytetarëve” në pjesën e dytë.

Pas një pjese të parë të balancuar, ku Everton rezistoi mirë dhe City nuk gjeti rrugën e rrjetës, ndeshja u zhbllokua në minutën e 58-të, kur Nico O’Reilly harkoi saktë në zonë dhe Haaland goditi me kokë, duke e dërguar topin në rrjetë mes dy mbrojtësve kundërshtarë.

Vetëm pesë minuta më vonë (63’), norvegjezi realizoi dopietën e tij, pas një asisti të Savinhos, duke vulosur fitoren e City-t. Me këtë sukses, Manchester City ngjitet përkohësisht në krye të renditjes së Premier League me 16 pikë, në pritje të rezultateve të ekipeve ndjekëse