“Çmendet” Junajtid, bën gati 300 milionë euro për Nejmarin

Zhoze Murinjo është gati për të bërë një çmenduri për të sjellë Nejmarin në verë te Mançester Junajtid. Lojtari më i shtrenjtë në historinë e futbollit mund të thyej rekordin e tij personal. E përditshmja spanjolle “Diario Gol” raporton se portgezi ka bindur drejtuesit e Junajtid që të bëjnë një ofertë stratosferike.

Në negociata klubi britanik është gati të përfshijë edhe kartonin e  Paul Pogbas vetëm e vetëm për të bindur parizenët t’i dorëzojnë kartonin e yllit brazilian. Ndërkohë paga vjetore që do t’i ofrohet 26 vjeçarit është 35 milion euro në sezon.

Spekulimet për të ardhmen e Nejmar në Francë nisën të dilnin në skenë që pas eliminimit të PSG në 1/8-at e Ligës së Kampionëve për meritë të Realit.