Conte nis punën tek Interi, takimi i parë me drejtuesit

Antonio Conte mund të quhet tashmë si trajneri më i ri i Interit. Klubit zikaltër prej ditësh ka arritur një marrëveshje me strategun e njohur, por sot mediat italiane kanë zbuluar edhe imazhe të reja nga takimi me drejtuesit.

Në të duket strategu puljez, i cili është së bashku me vëllanë e tij Daniele dhe pjesëtarë të stafit mediatik të zikaltërve janë duke diskutuar.

Në sfond duken dhe disa kamera të vendosura. Nga kjo media bëhet me dije se me shumë mundësi, tek Interi janë duke punuar për prezantimin e trajnerit të ri të skuadrës.