Daku humbet penallti në Rusi, skuadra e tij mundet thellë

Një mbrëmje për t’u harruar për Rubin Kazanin dhe për sulmuesin e kombëtares shqiptare Mirlind Daku, që nuk arriti të lërë gjurmë në ndeshjen e kampionatit rus kundër Baltikës. Skuadra e tij u mund në shtëpi me rezultatin e thellë 0-3, duke zhgënjyer para tifozëve të vet.

Daku ishte protagonist negativ në pjesën e parë, kur fitoi vetë një penallti, por nuk arriti ta shndërrojë në gol. Goditja e tij u prit nga portieri Borisko, që u shndërrua në heroin e momentit për miqtë.

Megjithatë, ky episod nuk e zbeh formën e mirë të sulmuesit shqiptar në këtë sezon. Deri tani, Daku ka shënuar 8 gola në 12 ndeshje, duke qenë një nga pikat më të forta të Rubinit në sulm.

Borisko saves Daku’s penalty pic.twitter.com/3k1JFF3TA3

— RPL Sky (@RPLNews_eng) October 19, 2025