Dani Alves në histori, askush s’ka fituar më shumë trofe se ai

I gjithë diskutimi për futbollistin më të mirë të të gjitha kohërave shkon për Pele, Maradona, Messi, Cristiano Ranaldo. Gjithsesi nëse kriter kryesor do të ishte numri i trofeve të fituar, “mbreti” nuk do të gjendej tek “yjet” e sipërpërmendur, por  te Dani Alves.

36-vjeçari fitoi Copa American me Brazilin (mposhti 3-1 në finale Perunë) dhe u shpall lojtari më i mirë i turneut. Para se ta ngrite lart këtë kupë, numëronte 39 trofe gjatë karrierës së tij, tani janë 40.

Suksese e para i arriti me Sevillan gjatë sezoneve 2002-2008, duke fituar plot 5 trofe, me të cilëve spikatin 2 Kupa UEFA. Sigurisht që kulmin do ta arrinte te Barcelona me plot 23 trofe (mes të cilëve 3 Champions dhe 6 tituj të La Ligas).

Vijoi të ngrinte kupa tek Juventusi (2) e më pas te PSG (6), pa harruar 4 trofetë në total me Brazilin (2 Copa America dhe 2 Kupa të Konfederatave). Në palmaresin e tij, në fakt, mungon vetëm Kupa e Botës, por Dani Alvesh nuk njeh kufij dhe shpreson që ta fitojë në vitin 2022.