Danimarkë-Shqipëri, 2150 bileta për tifozët shqiptarë

Federata Daneze e Futbollit njofton nisjen e shitjes online të biletave për ndeshjen kualifikuese me Shqipërinë, e vlefshme për Grupin I eliminator të “Euro 2016”, që do të luhet më 4 shtator, në orën 20:45, në “Parken”.
Specifikohet qartë se shitja e biletave bëhet për mbështetësit e ekipit kombëtar danez. Tifozët shqiptarë duhet të kontaktojnë me Federatën Shqiptare të Futbollit, e cila administron biletat në seksionin e spektatorëve shqiptarë. “Spektatorët shqiptarë nuk do të kenë qasje në stadium, nëse ata do të kenë blerë bileta në seksionin e mbështetësve danezë,” – njofton faqja zyrtare e Federatës Daneze të Futbollit. 2150 bileta jane ndarë për tifozët shqiptarë.