De Biasi këshillon Milanin për trajnerin që duhet të zgjedhë

Ish-trajneri i Shqipërisë, Gianni De Biasi ka komentuar largimin e trajnerit Gennaro Gattuso nga Milani. Por jo vetëm kaq, strategu italian ka dhënë idenë se kush mund të jetë trajneri i duhur për kuqezinjtë.

“Dorëheqja e Gattusos dëshmon koherencë dhe pasion. Nuk pati një situatë të lehtë për të menaxhuar. Ka patur shumë presione të mëdha nga brenda. Ai u angazhua shumë mirë dhe mbërriti vetëm 1 cm nga Champions.

Trajneri i ri i Milan? Edhe Allegri përpara se të mbërrinte kishte qenë vetëm te Cagliari dhe aq. Unë jam për Giampaolo sepse është një trajner shumë i mirë, sikurse Inzaghi ka bërë një punë të mirë te Lazio”, deklaroi De Biasi për “Radio Sportiva”.