Dënimi i Skënderbeut jep efektet e para, në Francë ndalohet që Superliga të luhet në baste

Dënimi i rëndë i Skënderbeu 10 vite nga kompeticionet europiane, ka filluar që të japë efektet e para në Europë. Klubi korçar ka humbur kredibilitetin në Francë, teksa autoriteti rregullues i lojërave online ka marrë vendim që ndeshjet e korçarëve në Kategorinë Superiore të mos luhen në këtë vend. Vendimi është marrë me 9 prill dhe është publikuar nga ARJEL, autoriteti shtetëror që merret me rregullimin e lojërave online.

DOKUMENTI I ARJEL

Kryetari i Autoritetit Rregullues të Lojërave Online; Duke marrë parasysh ligjin nr. 2010-476 të 12 majit 2010, lidhur me hapjen e konkursit dhe rregulloren dhe amendamentet e lojërave të fatit, duke përfshirë seksionin 12 V; Duke pasur parasysh Dekretin nr. 2010-483 të 12 majit 2010 mbi garat sportive dhe llojet e rezultateve të sportit, të përcaktuara nga Autoriteti Rregullues për Lojërat Online, vendosi:

Neni 1 – Bastet sportive online në takimet e kampionatit elitar shqiptar (Kategoria Superiore), në të cilat merr pjesë ekipi KF Skënderbeu. Ky ndalim zbatohet deri në fund të kampionatit dhe hyn menjëherë në fuqi.

Neni 2 – Ky vendim do të publikohet në faqen e internetit të ARJEL.