Dermaku bën “namin” në Seria A, mund të luajë si sulmues te Parma

Parma është në emergjencë në fazën e sulmit në prag të derbit emilian ndaj Bolognës, pasi Inglese dhe Cornelius nuk janë të disponueshëm. “Il Corriere dello Sport”, raporton se trajneri D’Aversa po mendojnë për një zgjidhje të bujshme.

Bëhet fjalë për Dermakun, i cili mund të luajë në majën e sulmit, edhe pse është qendërmbrojtës. Ai mund të vendoset në qendër të tridentit, pasi në repartin difensiv për fatin e mirë është rikuperuar Bruno Alves.

Nuk përjashtohet as mundësia që në majën e sulmit të luajë Kucka, së bashku me Kulusevskin dhe Sprocati-n. Të vetmit sulmues që ka në dispozicion trajneri D’Aversa. /R.Lika-Koha Jone/