Dje firmosi me Tiranën, sot Ze Maria nis pushimet e verës

Një ditë më parë, braziliani Ze Maria firmosi rinovimin e kontratës edhe për 2 sezone të tjera me Tiranën. Pas një “telenovele” të gjatë bisedimesh me presidentin Halili, më në fund palët ranë dakord, dhe Ze Maria mund të fillojë që tani të mendojë për sezonin e rikthimit të Tiranës në Superiore.

Tashmë ai ka filluar periudhën e pushimeve së bashku me bashkëshorten e tij, në një nga pishinat e Tiranës. “Më në fund pushime”, shkruan trajneri i bardhebluve në Instagram.