Dramë për Milanin, bie nga kategoria

Sot është luajtur java e fundit e kampionatit Primavera në Itali, ku marrin pjesë futbollistë deri në moshën 19 vjeç. Një dramtike për skuadrën e të rinjve të Milanit, që barazoi 1-1 në transfertën e Firences ndaj Fiorentinës dhe u rrëzua zyrtarisht në kategorinë Primavera 2.

Një gol në minutën e 90-të i Pierozzit dënoi Milanin që u rendit në vendit e parafundit të kampionatit Primavera me 31 pikë të grumbulluara në 30 ndeshje duke zbritur një kategori më poshtë.

Skuadra e Federico Giuntit me një sukses ndaj Fiores do të shkonte në play-out por goli i Sala në minutën e 13-të nuk u mjaftoi kuqezinjve që sezonin e ardhshëm do ta masin forcat me skuadrat inferiore që luajnë në kampionatin Primavera 2.