Drejtori i Juventusit: Nuk ka asnjë negociatë me Guardiolën

Pas zërave të shumtë në merkato, se Juventusi ka arritur një marrëveshje me Pep Guardiolën, vjen reagimi i parë nga një zyrtar i bardhezinjve.

Drejtori Sportiv Fabio Paratici, i cili në një intervistë të dhënë para ndeshjes me Sampdorian, deklaroi se nuk ka pasur asnjëherë negociata me teknikun spanjoll.

“Nuk ka pasur negociata me Guardiolën dhe nuk kemi menduar asnjëherë për të. Mendoj se duhet të mbetemi kështu si jemi deri në fund të të gjithë kompeticioneve, për respekt të shumë njerëzve”, tha Paratici.