“Dridhet” Interi, ky është kundërshtari i rrezikshëm në Europa League

Në Nyon të Zvicrës u hodh shorti i fazës së 1/8-ave të finaleve të Europa League.

Në garë janë 16 ekipe, që do të synojnë të shkojnë drejt finales që do të zhvillohet në Baku të Azerbajxhanit, për të rrëmbyer trofeun.

Interi është një prej pretendentëve për të fituar kupën. Zikaltrit do të përballen në këtë raund me gjermanët e Eintrahtit të Frankfurtit.

Sfida e parë do të luhet në Gjermani më 7 mars dhe ajo e kthimit në “San Siro” më 14 mars.