Dybala: Qëndroj te Juvja, shpresoj të vijë një trajner që synon gjithçka

Paulo Dybala në një intervistë për mediat italiane, është shprehur se do të mbetet pjesë e Juventusit edhe për vitet në vazhdim, ndonëse pranoi se shumë do të varet edhe nga trajneri i ri që do të vijë në pankinë.

“Vëllai dha mendimin e tij, ndërsa unë kam timin. Dua të qëndroj gjatë te Juventusi, pasi është një klub ku kam fituar shumë dhe dua të fitoj akoma. Paratici e di mirë që unë dua të qëndroj te Juventusi, por jo çdo gjë varet nga unë, pasi klubi do të vendosë edhe në bazë të zgjedhjeve të trajnerit”, tha Dybala.

Më pas argjentinasi foli edhe për marrëdhënien e tij me Massimiliano Allegrin, të cilin e ka pasur trajner gjatë 4 sezoneve me fanellën bardhezi, por edhe yllin e skuadrës juventine, Cristiano Ronaldon.

“Allegri është trajneri i vetëm që kam pasur te Juventusi dhe e falënderoj, pasi na ka ndihmuar të fitojmë shumë. Shpresoj që edhe trajneri i ri që do të vijë, dhe të synojë që të fitojë gjithçka. Sa i përket Ronaldos, ka qenë një ndjesi fantastike të luash përkrah tij, pasi të gjithë ia njohin cilësitë”, tha deklaroi argjentinasi.