E kërkon gjysma e Europës, United bën gati 50 milionë paund për talentin e Cagliarit

Nicolo Barella është një nga të rinjtë më premtues të futbollit italian. Mesfushori i Cagliarit është kthyer në një dëshirë të madhe për shumë klube të mëdha italiane dhe europiane.

Përvec ekipeve të Serie A, si Milan dhe Inter, anglezët e Chelsea prej kohësh ndjekin 21-vjeçarin, të cilin e shikojnë si zëvendësuesin e Cesc Fabregas, i larguar drejt Monacos. Megjithatë Chelsea nuk është ekipi i vetëm që kërkon Barella, pasi së fundmi në skenë ka dalë edhe emri i Manchester United.

Sipas mediave italiane, “Djajtë e Kuq” e kanë seriozisht dhe pritet të ofrojnë plot 50 milionë paund për mesfushorin, për ta transferuar atë në Old Trafford që në muajin janar.