E KRYER/ Partizani transferon vëllanë e Ekuban nga Hellas Verona

Joseph Ekuban është sulmuesi më i ri Partizanit, sipas informacioneve të sajtit të njohur italian “gianlucadimarzio.com”. Vëllai i ish bomberit të të kuqve aktualisht pjesë e Trabzonspor në Turqi, do të transferohet në formë huazimi me të drejtë blerje te skuadra kryeqytetase.

19-vjeçari i cili sezonin e fundit luajti në formë huazimi te Mantova në Serie D, është në pronësi të klubit të Serie A, Hellas Verona por ende nuk ka debutuar verdheblutë. Joseph Ekuban cilësohet si një talent shumë premtues dhe mund të rezultojë një vlerë e shtuar për sulmin e Partizanit.