Eliminimi nga kupa, trajneri serb i Kukësit drejt shkarkimit

Trofeu i Kupës së Shqipërisë ishte objektivi që Safet Gjici i kishte vënë drejtorit teknik për t’ia besuar skuadrën edhe në aventurën europiane.

Tashmë presidenca e Kukësit është vënë në kërkim të një emri të ri për pankinën, që do të ketë si objektiv kalimin e të paktën një raundi në Europa League.

Deri më 10 Qershor të gjithë futbollistët dhe stafi teknik do të jenë me pushime, për të hartuar më pas planin dhe nisur përgatitjet për sfidat europiane.

Çështja e parë për t’u zgjidhur është ajo e trajnerit, më pas mund të flitet për përforcime dhe largime, që me siguri do të jenë të shumta në kampin verilindor.