Elkann i përgjigjet Barcelonës: Mos shkruani budallaqe, ka vetëm një kampion të vërtet!

Revista franceze “France Football” njoftoi pasditen e sotme se ka vendosur të mos japë çmimin prestigjioz “Topi i Artë” për vitin 2020, me arsyetimin se për shkak të pandemisë, kushtet kanë ndryshuar dhe gara nuk ka qenë e barabartë për të gjithë pretendentët. Klubi i Barcelonës gjeti një mënyrë të veçante për t’i bërë jehonë lajmit të revistës franceze.

“E kuptojmë vendimin. Për më tepër të gjithë e dimë kush është më i miri në botë”, ka shkruar klubi katalan, duke e shoqëruar edhe me një foto të Lionel Messit bashkë me 6 Topat e Artë që ka fituar në karrierë.

Natyrisht që ky ishte një “thumb” edhe për rivalin e përjetshëm të argjentinasit, yllin portugez Cristiano Ronaldo, i cili ka fituar trofeun prestigjioz vetëm 5 herë dhe kishte si synim edhe një të 6 për t’u barazuar me Messin.

Kundërpërgjigja erdhi menjëherë nga prej aksionarëve kryesor të FIAT, Lapo Elkann, shumë i lidhur me Juventusin. Me dopietën kundër Lazios, Ronaldo arriti shifrën e 30 golave në këtë sezon, teksa në një postim së fundmi Elkann shkruan: “Barcelona e dashur, me siguri që Topi i Artë duhet të jepej për një KAMPION TË VËRTET, i aftë që të fitojë duke ndryshuar skuadër, nuk qëndron gjithmonë në një vendin. Përqendrohuni në objektivat tuaja (duke përjashtuar kampionatin). Forca CR7!”.