Eriksen: Mezi prisja t’i bashkohesha Interit, entuziast për Conten

Christian Eriksen e ka nisur me entuziazëm aventurën e re tek skuadra e Interit. Ylli danez u prezantua ditën e sotme në “La Scala”, ndërkohë që do të mbajë mbi shpinë fanellën me numrin 24. Në intervistën e parë që ka dhënë për kanalin e klubit, ai nuk e ka fshehur gëzimin që i është bashkuar ekipit të Contes.

“Mezi prisja që të mbërrija, të jesh këtu është bukur dhe jam i lumtur që jam lojtar i Interit. Jam shumë i emocionuar dhe mezi pres që të njihem me tifozët. E kam ndjerë që tani ngrohtësinë e tyre, pasi pritja ishte fantastike. Kam një sfidë të re në Serie A dhe jam i lumtur që mund të luaj me një ekip të madh si Inter, që është një klub fantastik.

Conte? E kam njohur kur kam qenë te Tottenham dhe luanim ndaj Chelseat. E vështirë kundër ekipeve të tij. Me entuziazmon fakti që do ta njoh edhe më nga afër tani dhe do të mësoj se si është të luash për të”, përfundoi Eriksen.