Eros Grezda rikthehet në stërvitje te Rangers pas dy muajsh

Eros Grezda është kthyer në stërvitje për Rangers në Skoci, duke lënë pas dëmtimin që e ka mbajtur jashtë fushave për dy muaj.

Anësori ofensiv i kombëtares shqiptare ka nisur stërvitjen dhe ka postuar edhe një foto nga qendra stërvitore e Rangers. Grezda në pjesën e parë të sezonit shënoi 2 gola në 10 ndeshje kampionati, por pati shumë luhatje dhe ambientimi nuk ishte aspak i lehtë në futbollin skocez.

Ky është një lajm i shkëlqyer edhe për kombëtaren shqiptare, sepse në fund të marsit nisim kualifikueset e Euro 2020, me Turqinë në 22 mars dhe Andorrën 3 ditë më vonë.