FIFA prezanton topin e Kupës së Botës, quhet “Al Rihla” dhe do të thotë …

FIFA në bashkëpunim me markën Adidas, prezantoi këtë të mërkurë topin zyrtar të Botërorit që do të luhet në Katar pas disa muajsh.

Quhet Al Rihla, një fjalë arabe që shpreh konceptin e “udhëtimit”. Këtë të premte do të hidhet shorti i fazës finale për Kupën e Botës, ku përfaqësueset e shteteve që “prenë biletat” do të njihen me kundërshtarët, ndërsa numërimi mbrapsht ka nisur.

Skuadrat e fundit të Europës që siguruan kualifikimin për në Katar ishin Portugalia dhe Polonia, ndërkohë që Uruguai dhe Ekuadori morën biletën nga ekipet e Amerikës Latine.