Fiorentina fiton pas dy muaj e gjysmë ndaj Spal-it të Berishës, Brescia mundet thellë (VIDEO)

Fiorentina ka arritur që të marrë një fitore të vështirë 1-0 ndaj Spal-it. Fitorja për skuadrën vjollcë mungonte që nga 30 tetori i vitit të kaluar duke zbritur në vendet e fundit të renditjes.

Etrit Berisha zhvilloi një ndeshje shumë të mirë, por gardiani i kombëtares sonë nuk mundi që të frenonte goditje me kokë të Pezzella-s 8 minuta nga fundi i kohës së rregullt.

Sampdoria ndërkohë mori një fitore të thellë 5-1 ndaj Brescias. Ndoj luajti në 20 minutat e fundit, por pa mundur që të ndihmojë skuadrën e tij që të merrte pikë. Në ndeshjet e tjera, Torino fitoi 1-0 ndaj Bolognës. /R.Lika-Koha Jone/