Fitoi të drejtën për organizimin e Kupës së Botës, Trump reagon në rrjetet sociale

Presidenti i SHBA-së, Donald Trump nuk e ka fshehur gëzimit pas lajmit për organizimin e Kupës së Botës në vitin 2026 në Amerikën e Veriut. Në rrjetin social “Twitter” Trump shkroi: “Shtetet e Bashkuara, së bashku me Meksikën dhe Kanadanë, sapo morën të drejtën e Kupës së Botës. Urime! Një punë e madhe!”

Vendimi u mor një ditë para fillimit së Botërorit 2018 dhe kandidatura e Amerikës Veriore fitoi ndaj asaj të Marokut, pasi mori 134 vota kundrejt 65 që mori Maroku. Turneu i Amerikës së Veriut do të luhet në 16 stadiume, shumica e të cilave do të jenë në SHBA. Të gjitha stadiumet tashmë ekzistojnë dhe do të kërkojnë vetëm rinovimin përpara turneut.

Formati i Kupës së Botës 2026 do të pësoi ndryshime, pasi pjesëmarrëse do të jenë 48 kombëtare.

The U.S., together with Mexico and Canada, just got the World Cup. Congratulations – a great deal of hard work!

— Donald J. Trump (@realDonaldTrump) June 13, 2018