Franca “rrëzohet” në Elbasan”, triumfon Shqipëria në miqësoren luksi

Në stadiumin “Elbasan Arena” mbyllet ndeshja miqësore mes kombëtares shqiptare të futbollit dhe asaj të Francës me fitoren 1-0 të kuqezinjve. Ergys Kaçe ka arritur të kthejë një goditje dënimi në gol, dhe rezultati në fund të pjesës së parë shkoi 1-0 në favor të Kombëtares Shqiptare. Goli u shënua në minutën e 43′ të pjesës së parë dhe rezultati mbeti i pandryshuar deri në fund të ndeshjes. Shqipëria e dominoi pjesën e parë me 4 goditje në portë përballë vetëm 2 goditjeve të ekipit të Gjelave. Në pjesën e dytë kuqezinjtë zhvilluan një ndeshje më të qetë dhe mbrojtën fitoren. Në pesë ndeshjet e kaluara Shqipëria kishte humbur katër prej tyre në takimet zyrtare dhe kishte barazuar vetëm në një, atë të nëntorit ta kaluar, 1-1. Kjo fitore ishte e parë dhe historike për kuqezinjtë ndaj një prej ekipeve më të forta të kontinentit dhe që pret Euro 2016.   

Formacionet zyrtare të ndeshjes

Shqipëria (Berisha – Hysaj, Cana, Ajeti, Aliji – Basha, Kaçe, Lila, Roshi, Lenjani – Cikalleshi) ;

Franca (Lloris – Jallet, Varane, Sakho, Evra – Gonalos, Kondgobia, Payet, Lazacette – Griezman, Giroud)

Trajneri i kombëtares shqiptare, Gianni de Biasi, kryeu 5 zëvendësime. Nga fusha e lojës kanë dalë Lila, Roshi, Basha, Lenjani, Kaçe, ndërsa janë futur Memushaj, Rama, Sadiku, Balaj dhe Lilaj