FSHF përfiton një shifër rekord nga shitja e biletave ndaj Francës

Sonte në mbrëmje do të inaugurohet stadiumi i ri “Air Albania Stadium”. Mësohet se Federata Shqiptare e Futbollit ka fituar 45 milionë lekë nga shitja e biletave për ndeshjen Shqipëri-Francë. Kjo është shifër rekord sa i përket fitimit të siguruar nga shitja e biletave për një ndeshje.

21.700 bileta janë shitur për ndeshjen kundër kampionëve të botës, ndërkohë që kërkesat ishin disa fish më të mëdha.

Përveç “yjeve” që ka në përbërje ekipi francez, interes të madh për këtë ndeshje ka zgjuar edhe inaugurimi i stadiumit të ri “Air Albania Stadium”.