Futbollisti i Anglisë largohet nga grumbullimi para ndeshjes ndaj Kolumbisë

Kombëtarja e Anglisë nuk do të ketë në dispozicion për ndeshjen ndaj Kolumbisë mesfushorin Fabian Delph. Ai është larguar për në vendlindje, për shkak se bashkëshortja e tij është duke sjellë në jetë fëmijën e tretë.

Mesfushori i Manchester City ka marrë një leje special nga kombëtarja dhe ka fluturuar me avion privat drejt familjes, për të qenë pranë bashkëshortes së tij.

Trajneri Southgate ka lënë të lirë lojtarin për të qenë pranë familjes dhe pas dy ditësh ai do të rikthehet në kombëtare, për të qenë sërish pjesë e grupit.