Futi në “xhep” golashënuesin më të mirë në Seria A, Gjimshiti zbulon “sekretin”

Berat Gjimshiti ishte një ndër lojtarët më të mirë në fushën e lojës për Atalantën, e cila fitoi në transfertë kundër Sampdorias me rezultatin 1-2. Mbrojtësi shqiptar arriti që të mbulonte mjaft mirë golashënuesin më të mirë në këtë sezon, Quagliarellën.

“Bukur të fitosh një ndeshje të tillë, ishte e vështirë ndaj Sampdorias që luan mjaft mirë në shtëpi. Sot më shumë se ta treguam grintë dhe vendosmëri, në duele kemi qenë gjithmonë të ashpër për t’i fituar.

Forcën që e treguam në fushë, e gjejmë në stërvitje, që do na ndihmojë për të menduar tani për sfidën me Chievon”, deklaroi mbrojtësi i kombëtares sonë për mediat italiane. /Koha Jone/