Gaboi përballë Strakoshës, tifozët “masakrojnë” Radja Nainngolan

Duhet të ishte njeriu që do të sillte kualitet dhe do të ndihmonte Interin në arritjen e objektivave, por deri tani Radja Nainngolan ka zhgënjyer të gjitha pritshmëritë.

Me rendimentin e tij të dobët në fushë dhe jetën e shfrenuar jashtë saj, mesfushori belg nuk arriti të fitojë zemrat e tifozëve zikaltër.

Por gabimi në 11-metërshin e fundit në ndeshjen kundër Lacios, që firmosi eliminimin e Interit nga Kupa e Italisë ka rezultuar “pika që derdhi vazon” e durimit. Nainngolan gaboi përballë Strakoshës, duke u bërë shënjestër e talljes në rrjetet sociale.