Ganni de Biasi feston 59 vjetorin

Mund t’i thoni Ganni de Biasi ose Gani Abazi, siç kanë filluar ta thërrasin shqiptarët kohët e fundit dhe trajneri do ju kuptojë njësoj, pavarësisht se me emrin e dytë do nënqeshë si zakonisht në oret e fundit teksa ka një pasaporte kuqezi në dorë. Mund t’i thoni auguri ose gëzuar sërish do të jetë e njëjta gjë, komplimentet apo përshëndetjet i pranon të gjithë aq më tepër kur te vijnë nga e njëjta gjuhë me të cilën je duke shkruar një pjesë të jetës, një pjesë të rëndësishme të saj. Trajneri i përfaqësueses shqiptare ka mbushur sot 59 vjeç dhe thoni çtë doni nuk ngjan kurrsesi kaq. Elegant, tërë energji, sy tërë jetë dhe levizje të gjalla edhe nëse i jep diku te 45-50 nuk do gabonit. Kjo është hera e katërt që ndoshta njeriu më popullor në vend në lidhje me sportin e kalon diteindjen pranë nesh. Gjithnjë në forma dhe në mënyra të ndryshme. Ne 2012 me kuriozitetin se çmund të bëjë, në 2013 me ëndrrën e madhe se do shkojmë në Brazil, në 2014 me skepticizmin per Europianin, ndërsa sot i denjë për sloganin “Ndoshta nuk është më i miri por me të mirë nuk kemi parë”. Njeriu i cili nënqesh tërë ironi dhe krenari pas cdo fitoreje, tërbohet dhe bëhet mediaitikisht i paedukatë pas çdo humbjeje, që maredhenien me publikun e ka nota 10 dhe që është online 24 ore ne 24 është duke shijuar një copë tortë pranë familjes për të vazhduar misionin e tij që është edhe i yni. Që në 16 Qershor të 2016 të gjendet në Francë së bashku me perfaqësuesen kuqezi dhe në vend të gëzuar apo auguri të marrë një “sante” në frëngjisht e 10 milionë shqiptarë, të cilët për momentin mjaftohen me nje “edhe 100 mister” , të thonë ja vlejti të besojmë te ju.