Goditi me taka kundërshtarin, federata angleze dënon rëndë Son

Premier League do të luajë shumë ndeshje gjatë festave të fundvitit, por kjo periudhë do të jetë pushim për sulmuesin e Tottenham Heung Min-Son.

Ndërhyrja me takat lart ndaj gjermanit të Chelsea-t, Rudiger i ka kushtuar rëndë koreno-jugorit i cili është pezulluar me 3 takime nga komisioni i Disiplinës në Federatën Angleze të Futbollit.

Ai do të humbasë sfidat ndaj Brighton, Norwich dhe Southampton, takime në të cilat Spurs-at e Mourinhos do të tentojnë të marrin maksimumin e pikëve edhe pse mungesa e Son do të ndihet pasi koreno-jugori në këtë sezon ka realizuar 5 gola si dhe ka asistuar në 7 të tjerë.