Griezmann kushton më shumë se Messi, ja 10 të “paprekshmit” e Barcelonës

Në Spanjë, klauzolat e përfundimit të kontratave janë një çështje serioze. Çdo klub është i detyruar të vendosë një klauzolë në kontratat me lojtarët që blejnë. Kjo bëhet për t’i mbrojtur nga ndonjë ofertë e papritur. Rasti i fundit është ai i Griezmann, klauzola e të cilit ndryshoi brenda dy muajsh.

Barcelona është pa dyshim është “mbreti” i merkato në Spanjë në lidhje me klauzolat. Klubi katalanas ka vendosur çmime të çmendura për shumë lojtarë për të shmangur ndonjë surprizë si ajo e Neymar. Braziliani u largua në vitin 2017, pasi PSG pagoi klauzolën prej 222 milionë eurosh që kishte vendosur klubi blaugrana.

Në Top 10 klauzolat më të shtrenjta bie në sy fakti që më të lartën e ka Griezmann, 800 milionë euro, duke kaluar edhe Lionel Messin, i cili mbetet i dyti me 700 milionë euro. Sa i përket Umtiti, Sergi Roberto, Jordi Alba, Busquets dhe Pique, klauzolat e tyre arrijnë në 500 milionë euro. Të sapoardhurit De Jong, Arthur brazilian dhe Ousmane Dembelè mbyllin renditjen me 400 milionë euro. /R.Lika-Koha Jone/