Guardiola ftesë speciale për 114 tifozët që ishin në stadium ndaj Shakhtar-it

Pep Guardiola, trajneri i Manchester City, ka treguar klas e elegancë përtej ideve inovative të trajnimit. Spanjolli ka shkruar një letër për secilin nga tifozët që në 18 shtator kanë ndjekur skuadrën në Ukrainë për ndeshjen e parë të grupit të Champions League, fituar 3-0 nga Citizens.

Darren Page, një nga 114 tifozët në fjalë,  ka publikuar letrën e rëndësishme në profilin e tij.

“I dashur Darren, të mërkurën në 18 shtator ti e të tjerë tifozë besnikë keni bërë një udhëtim të gjatë për të parë skuadrën të luajë kundër Shakhtar Donetsk në Ukrainë e unë gjej rastin për të thënë faleminderit. Jemi kaq të lumtur që e nisëm aventurën tonë në Champions League me fitore. U përballëm me një Shakhtar të rrezikshëm pork am përshtypjen se luajtëm mirë, kontrolluam ndeshjen dhe merituam të fitonim.

Të kishim mbështetjen tuaj në këto ndeshje do të thotë shumë e si kam thënë gjithnjë, ne nuk jemi asgjë pa tifozët tanë. Si shprehje e mirënjohjes sonë, duam të të ftojmë për një eksperiencë në Hospitality të Manchester City me rastin e ndeshjes së kthimit kundër Shakhtar Donetsk në 26 nëntor. Në emër të skuadrës e stafit duam tiu falenderojmë për mbështetjen e pabesueshme”, shkroi Pep Guardiola.