Hamburgu i jep një tjetër shans Mavrajt në sezonin e ardhshëm

Mergim Mavraj do të ketë një shans të dytë nga Hamburgu në sezonin e ardhshëm. Drejtuesit e klubit të sapo zbritur në Bundesliga 2, kanë biseduar me të dhe Uollas për të vijuar bashkëpunimin edhe në sezonin e ri.

Të dy lojtarët janë të pajisur me kontrata të vlefshme, por u përzunë tek ekipi U-21 i klubit në ndeshjet e fundit të sezonit që u mbyll. “Ne punojmë me lojtarët që janë nën kontratë këtu”, tha Beker për “Abendblatt”.

Mavraj do të jenë pjesë e skuadrës në sezonin e ardhshëm, kjo është aktualisht një çështje në diskutim, teksa gjithçka këtë herë do të jetë në dorën e vetë mbrojtësit shqiptar.