Hidhet shorti i Kategorisë Superiores, përcaktohet kalendari 2015-16′

Hidhet shorti i kampionatit të ri të Superiores. Më 22 gusht do të fillojë kampionati i ri i Superiores, ndërkohë që finalja e Superkupës, që do të hapë sezonin e ri, mes Skënderbeut dhe Laçit, nuk është caktuar akoma. Derbin e parë të kryeqytetit mes Tiranës dhe Partizanit, nga katër të tillë gjithë sezonin, do ta kemi në javën e 6-të, ku pritës do të jenë të kuqtë

Sot në mesditë, në mjediset e FSHF-së, u hodh shorti i kampionatit të 77-të kombëtar, i Kategorisë Superiore për sezonin e ardhshëm futbollistik. Të pranishëm ishin përfaqësues të klubeve, ndërkohë që procesin në fjalë e udhëhoqi sekretari i përgjithshëm, Ilir Shulku dhe drejtori i Garave në FSHF, Lusjen Nurishmi. Kalendari i javës së parë të Superiores ka vendosur përballë skuadra të tilla rivalizuese, si Partizani dhe Laçi, në kryeqytet, Skënderbeu kampion do të jetë mysafir i kuqebluve të Shkodrës në një fushë ku do ta sigurojnë këta të fundit, ngaqë “Loro Boriçi” nuk mund të jetë gati deri në tetor.

Flamurtari dhe Teuta kanë mes tyre derbi bregdetarësh, ndërsa Tirana dhe Kukësi do ta startojnë aktivitetin kundër debutuesve në elitën e futbollit tonë. Më konkretisht, Tirana luan në transfertë me Tërbunin, ndërsa Kukësi pret ballshiotët. Më 22 gusht do të fillojë kampionati i ri i Superiores.

Tirana-Partizani

Derbin e parë të kryeqytetit mes Tiranës dhe Partizanit do ta kemi në javën e 6-të, ku pritës do të jenë të kuqtë. Kampionët e Skënderbeut dhe nënkampionët e Kukësit do të ballafaqohen për herë të parë për hesap të kampionatit të ri në javën e dytë, në Korçë, ndërsa “demat” dhe “ujqërit e dëborës” do të sfidojnë njëri-tjetrin në javën e tetë, në “Qemal Stafa”. Kujtojmë se kampionati i Superiores është me katër faza. Dy fazat e para kanë nga 9 javë secila dhe luhen me sistemin vajtje-ardhje. Më pas procedohet me short për dy fazat e tjera, sipas një skeme të paracaktuar. Këtu luan rol renditja e skuadrave në fund të fazës së dytë.

Ultimatum debutuesve

Dy skuadrat debutuese në Superiore në sezonin e ri kanë kohë deri më 31 korrik për të plotësuar kushtet infrastrukturore, që kërkon licensimi. Nëse Bylis dhe Tërbuni nuk do të jenë në rregull me manualin përkatës që ka FSHF-ja për të miratuar stadiumet e Kategorisë Superiore, atëherë do të jenë të detyruara të luajnë sërish një kategori më poshtë. Ilir Shulku, sekretari i FSHF-së, ka njoftuar se qeveria e futbollit tonë ka gjithë të drejtën që të zgjedhë dy skuadra të tjera, me infrastrukturën e duhur, për t’i bërë pjesë të Superiores, në vend të pukjanëve dhe ballshiotëve. Kuptohet, nëse këta të fundit nuk plotësojnë kriteret infrastrukturore për të luajtur në elitën e futbollit shqiptar.

Ilir Shulku

Pas hedhjes së shortit, sekretari Ilir Shulku theksoi “Prej sot, ka startuar në mënyrë figurative edicioni i ri, për shkak se skuadrat kanë njohur kundërshtarët dhe datat e ndeshjeve, ndaj nisin të bëjnë planet e tyre. Urojmë që ky edicion të ketë cilësinë dhe rivalitetin e atij që sapo u mbyll, madje të një niveli edhe më të lartë”.

Një kampionat me 10 skuadra rikthehej të aplikohej pas tetë sezonesh në elitën e futbollit shqiptar. Sezoni 2014-2015 ishte i pari pas tetë vitesh që u luajt me katër faza në Superiore. Natyrisht, jo të gjithë klubet janë pro kësaj skeme, por FSHF-ja ka qenë e vendosur për ta bërë kampionatin me 10 skuadra, duke ndjekur shembullin e Austrisë, Zvicrës dhe vendeve të tjera europiane.

Sezoni i ri

Një kampionat me më pak ekipe rrit cilësinë në nivelin më të lartë të përfaqësimit në futbollin shqiptar. Nga ana tjetër, përveç kësaj, duke qenë se klubet janë vetëm 10 dhe jo 12 apo 14, siç kanë qenë në sezonet e kaluara, të ardhurat e tyre shtohen. Bëhet fjalë për shpërndarjen e paràve që u takojnë klubeve nga shitja e së drejtës televizive, teksa do të përfitojnë më shumë nga çfarë kishin marrë deri në sezonin 2013-2014. Sigurisht, marketingu pritet të jetë më efikas. Jo vetëm reklamat, por të ardhura të mëdha pritet të kenë klubet nga shitja e biletave. Interesimi do të jetë gjithnjë e në rritje, për vetë faktin se ndeshja të tilla si Tirana-Partizani, Vllaznia- Tirana, Partizani-Skënderbeu etj., nuk do të luhen vetëm dy herë, por katër herë gjatë sezonit, pa marrë parasysh këtu që mund të përballen edhe në Kupën e Shqipërisë. Mirëpo, kjo skemë ka edhe anët e veta negative, për shkak të tkurrjes së futbollit nga ana gjeografike. Disa qytete të mëdha si Gjirokastra, Lushnja, Berati, Kavaja etj., janë penalizuar nga kjo skemë.

Rregullorja për sezonin 2015-2016

1. Kategoria Superiore do të jetë me 10 skuadra dhe do të zhvillohet me katër faza gjatë sezonit 2015-2016.

2. Në përfundim të sezonit, skuadrat e renditura përkatësisht në vendin e 9-të dhe të 10-të, bien automatikisht nga Kategoria Superiore në Kategorinë e Parë.

 

Kupat e Europws 

a) klubi që shpallet fitues i kampionatit kombëtar në sezonin 2015- 2016, do të marrë pjesë në turin e dytë paraeliminator të Ligës së Kampioneve.

b) klubi që shpallet fitues i Kupës së Shqipërisë në sezonin 2015- 2016 merr pjesë në turin e parë paraeliminator të Ligës së Europës.

c) klubi që renditet në vendin e dytë në klasifikimin e përgjithshëm të kampionatit merr pjesë në turin e parë paraeliminator të Ligës së Europës.

 d) klubi që renditet në vendin e tretë në klasifikimin e përgjithshëm të kampionatit merr pjesë në turin e parë paraeliminator të Ligës së Europës.

e) nëse klubi i shpallur kampion fiton njëkohësisht edhe Kupën e Shqipërisë, atëherë klubi tjetër finalist i kupës, do të marrë pjesë në turin e parë paraeliminator të Ligës së Europës.

f) nëse klubi i renditur në vendin e dytë ose të tretë në klasifikimin e përgjithshëm, fiton njëkohësisht edhe Kupën e Shqipërisë, atëherë klubi i renditur në vendin e katërt do të marrë pjesë në turin e parë paraeliminator të Ligës së Europës.

 

g) nëse skuadra e shpallur kampione shpallet njëkohësisht fituese e Kupës së Shqipërisë dhe nëse skuadra finaliste e kupës është renditur në vendin e dytë ose të tretë të kampionatit në klasifikimin përfundimtar, atëherë skuadra e renditur në vendin e katërt do të marrë pjesë në turin e parë paraeliminator të Ligës së Europës.

 

Kalendari-Kategoria Superiore – Faza e parë

Java 1

PARTIZANI – LAÇI

FLAMURTARI – TEUTA

VLLAZNIA – SKËNDERBEU

KUKËSI – BYLIS

TËRBUNI – TIRANA

 

Java 2

PARTIZANI – FLAMURTARI

BYLIS – TËRBUNI

SKËNDERBEU – KUKËSI

TEUTA – VLLAZNIA

LAÇI – TIRANA

 

Java 3

FLAMURTARI – LAÇI

VLLAZNIA – PARTIZANI

KUKËSI – TEUTA

TËRBUNI – SKËNDERBEU

TIRANA – BYLIS

 

Java 4

PARTIZANI – KUKËSI

FLAMURTARI – VLLAZNIA

SKËNDERBEU – TIRANA

TEUTA – TËRBUNI

LAÇI – BYLIS

 

Java 5

VLLAZNIA – LAÇI

KUKËSI – FLAMURTARI

TËRBUNI – PARTIZANI

TIRANA – TEUTA

BYLIS – SKËNDERBEU

 

Java 6

PARTIZANI – TIRANA

FLAMURTARI – TËRBUNI

VLLAZNIA – KUKËSI

TEUTA – BYLIS

LAÇI – SKËNDERBEU

 

Java 7

KUKËSI – LAÇI

TËRBUNI – VLLAZNIA

TIRANA – FLAMURTARI

BYLIS – PARTIZANI

SKËNDERBEU – TEUTA

 

Java 8

PARTIZANI – SKËNDERBEU

FLAMURTARI – BYLIS

VLLAZNIA – TIRANA

KUKËSI – TËRBUNI

LAÇI – TEUTA

 

Java 9

TËRBUNI – LAÇI

TIRANA – KUKËSI

BYLIS – VLLAZNIA

SKËNDERBEU – FLAMURTARI

TEUTA – PARTIZANI

 

Faza e Dytë

Java 10

LAÇI – PARTIZANI

TEUTA – FLAMURTARI

SKËNDERBEU – VLLAZNIA

BYLIS – KUKËSI

TIRANA – TËRBUNI

 

Java 11

FLAMURTARI – PARTIZANI

TËRBUNI – BYLIS

KUKËSI – SKËNDERBEU

VLLAZNIA – TEUTA

TIRANA – LAÇI

 

Java 12

LAÇI – FLAMURTARI

PARTIZANI – VLLAZNIA

TEUTA – KUKËSI

SKËNDERBEU – TËRBUNI

BYLIS – TIRANA

 

Java 13

KUKËSI – PARTIZANI

VLLAZNIA – FLAMURTARI

TIRANA – SKËNDERBEU

TËRBUNI – TEUTA

BYLIS – LAÇI

 

Java 14

LAÇI – VLLAZNIA

FLAMURTARI – KUKËSI

PARTIZANI – TËRBUNI

TEUTA – TIRANA

SKËNDERBEU – BYLIS

 

Java 15

TIRANA – PARTIZANI

TËRBUNI – FLAMURTARI

KUKËSI – VLLAZNIA

BYLIS – TEUTA

SKËNDERBEU – LAÇI

 

Java 16

LAÇI – KUKËSI

VLLAZNIA – TËRBUNI

FLAMURTARI – TIRANA

PARTIZANI – BYLIS

TEUTA – SKËNDERBEU

 

Java 17

SKËNDERBEU – PARTIZANI

BYLIS – FLAMURTARI

TIRANA – VLLAZNIA

TËRBUNI – KUKËSI

TEUTA – LAÇI

 

Java 18

LAÇI – TËRBUNI

KUKËSI – TIRANA

VLLAZNIA – BYLIS

FLAMURTARI – SKËNDERBEU

PARTIZANI – TEUTA