Holandezi De Jong rinovon kontratën me Milan

Në momentin që e gjithë vëmendja është hedhur tek afrimet e mundshme, administratori i përgjithshëm i Milan, Adriano Galliani nuk ka humbur kohë dhe ka siguruar shërbimet e një futbollisti shumë të rëndësishëm tepër të kërkuar nga disa skuadra europiane. Mesfushori holandez ishte një nga më të kuotuarit për t’u larguar nga Milani këtë verë me trajnerin e Manchesetr United, Van Gaal që e priste me krahë hapur por edhe me Schalken dhe Ajaxin që kishin shfaqur interes. Por Galliani ka arritur ta bindë holandezin që të vazhdojë karrierën e tij në “San Siro”, deri në moshën 34- vjeçare. Për momentin, te Milan e gjithë vëmendja është hedhur tek afrimet e mundshme. Pas refuzimit të Kondogbia, i cili kaloi te Inter, kuqezinjtë e Milan kanë arritur të gjejnë mesfushorin që kërkonin. Andrea Bertolaci, i cili sezonin e fundit mbylli një sezon pozitiv me Genoa, dhe fitoi edhe grumbullimin në kombëtaren italiane, do të jetë pjesë e Milan për sezonin tjetër. Kartoni i mesfushorit 24 vjeçar i përkiste Romës dhe Genoas, por vetëm 2 ditë më parë verdhekuqtë e blenë tërësisht atë, duke paguar 8.5 milionë euro. Kuqezinjtë e Milan kanë ofruar 15 milionë Euro për mesfushorin e talentuar, të cilat mund të shkojnë në 20 milionë në rast se Milan arrin të sigurojë kualifikimin në Champions League për sezonin e ardhshëm. Bertolaci pritet të firmosë një kontratë 4-vjeçare, nga e cila ai do të përfitojë 1.5 mln Euro në sezon.