Hysaj largohet nga Napoli, nis “lufta” mes Atleticos, Interit dhe Romës

Elseid Hysaj do të largohet nga Napoli gjatë kësaj sezoni. Mbrojtësi i kombëtares sonë në një intervistë të dhënë së fundmi për “Supersport”, konfirmoi se është gati për të nisur një aventurë të re, pasi po vuan nën drejtimin e Ancelottin.

Atletico Madrid, Inter dhe Roma janë në ndjekje të Hysajt. “Los Colchoneros” janë gati për të ofruar 18 milionë euro për mbrojtësin e Napolit, por De Laurentiis, as që ka ndërmend që të heq dorë prej tij pa 30 milionë euro. Në fund mund të bihet dakord për shifrën e 25 milionë eurove.

Faqja e njohur online, “tuttomercatoëeb.com”, Inter ka kërkuar informacione për mbrojtësin e kombëtares sonë, ashtu si edhe Roma. Franco Baldini e pëlqen shumë shkodranin, por do të varet shumë dhe nga trajneri që do të marrë drejtimin e verdhekuqve gjatë kësaj vere.

Një opsion i mirë mund të jetë edhe Juventusi, por do të jetë e vështirë që bardhezinjtë të heqin dorë nga Cancelo për të transferuar Hysajn, edhe pse mund të marrin Sarrin si trajner. /Rozalb Lika-Koha Jone/