Hysaj poza dhe stërvitje me Napolin në pritje të ekipit të ri

Elseid Hysaj pritet që të largohet nga Napoli gjatë kësaj vere, por mbrojtësi i kombëtares sonë vijon përgatitjet për sezonin e ri nën drejtimin e Ancelotti. Futbollisti shkodran ende nuk e ka gjetur destinacionin e ardhshëm, teksa tashmë është sfumuar edhe pista që e dërgonte te Atletico Madrid.

Prej disa ditësh ai i është bashkuar ekipit që po zhvillon përgatitjet në Dimaro, teksa nuk ka ngurruar që të bëjë disa poza me shokët e tij. Ditën e djeshme ai u aktivizua për disa minuta në pjesën e dytë në miqësoren e fituar 5-0 ndaj Feralpisalòs. /R.Lika-Koha Jone/