I ofendojnë babanë në stadium, Tosun kërcënon tifozin me prerje fyti (VIDEO)

Një episod i pabesueshëm ka ndodhur në miqësoren e zhvilluar dje mes Tunizisë dhe Turqisë. Bomberi i Turqisë, Çenk Tosun ka shpërthyer 5 minuta pas përfundimit të kohës së rregullt.

Pasi kishte shënuar më parë golin e avantazhit me penallti, Tosun është drejtuar nga shkallët e stadiumit dhe ka kërcënuar një tifoz, duke bërë gjestin e prerjes së fytit. Një veprim që është ndëshkuar menjëherë me karton të kuq nga gjyqtari i ndeshjes.

Disa tifozë sipas mediave kanë sulmuar familjen e sulmuesit, dhe konkretisht babanë e tij që ishte i pranishëm në stadium. Ai e ka parë mjaft mirë ngjarjen, dhe më pas ka shkuar në drejtim të stolit të rezervave duke kërcënuar tifozët. /Koha Jonë/