Ibrahimovic: Shihemi në Itali, me një ekip që duhet të fitojë

“Do të rikthehem shumë shpejt në Itali, në një skuadër që duhet të fitojë sërish”. Me këto fjalë, Zlatan Ibrahimovic ka zbuluar të ardhmen ndërkohë që më shumë se kushdo, nga ky mesazh gëzohen tifozët e Milanit.

“Do të shkoj tek një skuadër që duhet të ringrihet, të rigjejë historinë dhe që ka një sfidë kundër të gjithëve. Vetëm kështu do të mund të gjejë stimuj për t’iu surprizuar akoma. Si futbollist, nuk shoh vetëm të zgjedh një skuadër por ka edhe faktorë të tjerë si interesi i familjes. Shihemi së shpejti në Itali”, janë fjalët e Ibrahimovic.

Gjithsesi me interpretimin e bërë, suedezi lë të hapur edhe mundësinë e kalimit tek Inter apo në një klub tjetër.