Igli Tare, shqiptari që shihet si model suksesi në Seria A

Drejtori teknik i ekipit të Lacios, shqiptarit Igli Tare, përgëzohet për suksesin e Lacios gjatë këtij sezoni. Kur presidenti Lotito i afroi shqiptarin Igli Tare ne sezonin 2008- 2009 postin e drejtorit teknik, gjithkush në Itali e mori për të çmendur atë. Por që atëherë kanë ndryshuar shumë gjëra. Igli Tare nga një i nënvlerësuar po tregon tani qe është një manaxher shume i zoti. Ka sjellë disa futbollistë me vlerë të vogël financiare, por që kanë treguar se vlejnë shumë, duke u arkëtuar shuma të konsiderueshme kryeqytetasve. Si në rastin Hernanes, i cili u ble 9.5 milionë euro dhe u shit te Inter për më shumë se  20 milionë euro. Puna e shkëlqyer e shqiptarit dallohet edhe tek akademia e Lacios, e cila po prodhon edhe futbolliste të nivelit të lartë. Ekipi është në vendin e parë duke qenë një garanci për furnizimin në skuadrën e parë me produkt vendor. Tare ka shfrytëzuar me se miri faktin, që njeh 6 gjuhë të huaja- shkruan  gazeta “La Republika.  Ai preferon të marrë informacion të hollësishëm , takon futbollistët direkt vetë, dhe pastaj shkon në familjet e tyre.  Në fund i kërkon presidentit blerjen e tyre. Por 42 –vjeçari, ish-lojtar i kombëtares sonë, ia ka dalë mbanë pasi ai po punon shumë mirë me skuadrën, që ka buxhetin e shtatë në  Seria A. Vështirë se Lotito do ta lejojë tani që Igli Tare të largohet nga Lacio, skuadër që pretendon tashmë një vend në Champions League.