Interi fiton me “poker” ndaj Spalit dhe merr vendin e dytë në renditje (VIDEO)

Interi ka arritur një fitore të thjeshtë 4-0 në transfertë ndaj Spalit, duke marrë vendin e dytë në renditje me 71 pikë, 6 më pak se Juventusi kryesues.

Përballë një kundërshtari tashmë të rënë në Serinë B, zikaltrit vuajtën vetëm pak minuta në pjesën e parë, ndërkohë që Candreva shënoi golin e avantazhit pas një asisti të bukur të kilenit Sanchez.

Në pjesën e dytë ishte mbrojtësi Cristiano Biraghi që shënoi një gol të bukur nga distanca, ndërsa më pas Sanchez dhe Gagliardini vulosën suksesin 0-4.Zikaltrit janë vetëm një pikë larg të siguruarit edhe matematikisht një vend në zonën Champions.