Interi fiton ndaj Sampdorias me dyshen Lukaku-Lautaro (VIDEO)

Në ndeshjen e fundit të sfidave të prapambetura për javën e 25-të të Seria A, Interi mundi 2-1 Sampdorian, duke rikthyer diferencën prej 6 pikësh me Juventusin.

Në “San Siro” zikaltrit dominuan në lojë, duke shënuar pas 10 minutash me Lukakun, i cili u shërbye mjaft mirë nga Eriksen, ndërkohë që në minutën e 33-të, Lautaro Martinez shënoi dhe golin e dytë.

Në pjesën e dytë, Sampdoria rihapi ndeshjen me Thorsby në minutën e 53-të, por ky gol do të ishte i pamjaftueshëm për të marrë qoftë 1 pikë mbrëmjen e sotme. /R.Lika-Koha Jone/