Interi kërkon yllin e Barcelonës, akordi mund të arrihet për 40 mln euro

Interi po mendon për merkaton e kësaj vere, teksa deri më tani ka siguruar vetëm shërbimet e Diego Godin me kosto zero. Zikaltrit po punojnë sërish në Spanjë në merkato, pasi synimi i radhës është Ivan Rakitic.

Barcelona kërkon 45 milionë, por Interi ofron deri 35 milionë. Më 10 mars Rakitic mbush 31-vjeç. Kroati ka kontratë me Barcelonën deri në verë të vitit 2021, me një pagë 5.5 milionë euro në sezon.

Zikaltrit i ofrojnë bashkëpunim 3-vjeçar, pra mesfushori nënkampion botë do të siguronte një kontratë të mirë deri në vitin 2022. Takimet sekrete të Piero Ausilios dhe Beppe Marottas kanë hedhur bazat për një marrëveshje përfundimtare, që mund të mbyllet për 40 milionë.