Interi me një mungesë të madhe në super sfidën ndaj Napolit

Marcelo Brozovic do të mungojë në sfidën kundër Napolit që Interi do të luajë në 4 janar. Kroati ka kryer sot vizita të specializuara, të cilat kanë evidentuar një dëmtim muskulor në këmbën e majtë.

Gjendja e tij do të rivlerësohet në ditët në vijim, por mesfushori rrezikon të qëndrojë pushim për të paktën 15 ditë.

Brozovic do të mungojë në super ndeshjen kundër Napolit, si dhe në sfidat kundër Monzas dhe Veronës në kampionat dhe është në dyshim serioz për derbin e Superkupës përballë Milanit.