Interi në sprintin final për Eriksen, arrihet akordi dhe për shkëmbimin me Romën

Beppe Marotta po punon për të mbyllur transferimin e Christian Eriksen. Pas takimit në Londër, agjenti i futbollistit Martin Schoots, pasditen e sotme ka zbarkuar në Milano për të mbyllur marrëveshjen me klubin milanez.

Klubi zikaltër i ofron një kontratë deri në vitin 2024, me një pagesë prej 9 milionë eurosh, plus një bonus.Në këtë pikë po pritet vetëm akordi me skuadrën e Tottenham që kërkon 20 milionë euro për danezin, por Interi ofron 18.

Ndërkohë operacioni tjetër i shkëmbimit mes Politanos dhe Spinazzola-s më në fund ka marrë dritën jeshile. Futbollistët do të huazohen deri në verë, me opsionin e detyrimit për ta blerë nëse kalohet shifra e 15 ndeshjeve sezonale. /R.Lika-Koha Jone/