Interi nuk ka para, i detyruar për të shitur Mauro Ikardin këtë verë

Mauro Ikardi mund të largohet nga Interi gjatë kësaj vere. Klubi zikaltër duket i detyruar për ta shitur sulmuesin për shkak të bilanceve aspak të mira financiare. Largimi i tij do ta lejonte klubin të rregullonte llogaritë dhe të respektonte kushtet e UEFA-s, ndërsa lojtari do të kishte mundësinë të shkonte te një klub ku do të fitonte një shumë që Inter nuk mund t’ia lejojë vetes.

Rruga më e mirë është ajo që ka thënë ish-presidenti, Masimo Morati, në momentin kur është folur për një këmbim të mundshëm me Higuain, plus 50 milionë euro për Inter. “Duhet menduar mirë para se të refuzohet”, ka qenë këshilla e ish-presidentit.

Nëse sulmuesi nuk largohet, atëherë pritet që të ikin një mes Perisiç, Brozoviç dhe Milan Shkriniar, që kanë oferta të vazhdueshme nga klube të ndryshme.