Interi zyrtarizon afrimin e dytë brenda ditës

Interi nuk ka ndërmend të ndalet në merkato, teksa pas Diego Godin ka zyrtarizuar edhe afrimin e Valentino Lazaro. Mesfushori i krahut të djathtë ishte një objektiv i trajnerit, i cili e sheh si prioritet në skemën e tij 3-5-2.

Austriaku zbarkoi në Milano që të dielën, por ditën e sotme ka kaluar vizitat mjekësore. Ai ka firmosur një kontratë 5-vjeçare, ndërkohë që për Hertha Berlinin shkojnë 22 milionë euro, plus bonuset. Në sezonin e fundit, në 31 ndeshje aktivizim, shënoi 3 gola dhe dhuroi 7 asist për shokët e tij. /Koha Jone/