Isco mendon largimin nga Reali, Guardiola gati ta rrëmbejë

As rikthimi i Zinedine Zidane në stolin e Realit të Madridit, nuk i ka shërbyer Iscos për të fituar vendin e tij në formacionin titullar me Realin. Mesfushori spanjoll me Lopeteguin dhe Solarin nuk pati mundësi të aktivizohej shpesh me skuadrën, duke qëndruar shumicën e kohës në stol, por me afrimin e Zidane arriti të rifitonte minutat që dëshironte.

Gjithsesi duket se e ardhmja e Iscos do të jetë larg madrilenëve dhe shkak për këtë është transferimi i Eden Hazard dhe me shumë gjasa edhe i Paul Pogbasë. Nisur nga kjo situatë, Manchester City kërkon të përfitojë nga kjo situatë, madje ka gati edhe një ofertë 80 milionë euro për klubin “merengues”.

Trajneri i Citizens, Pep Gurdiola, kërkon ta transferojë Iscon si pasues i David Silvas, i cili ka deklaruar se ky do të jetë sezoni i tij i fundit me kampionët në fuqi të Premier League-s. Mbetet për t’u parë nëse vetë Isco do të pranojë të largohet nga madrilenët.